先說好，看不懂就看不懂唄！
鼻要問我寫些啥咪～ [:E]
============================ 分 隔 線 =============================
yami kaxi eder Abababaw, adader u eder samian,
isia ka maxahada kawas iu daxw, medexe ruburubu a kawas iu sawsaw.
isia ka tausamian uhuza iu uhuni, mutudu sawsaw, makawas maa ara iu mutanip.
maaxizapay a mamais Maria ka marukihan Jesu,
haideng a buxu ka pauzah di samian a hinis isia,
Jesu maxa abasan a suazi nita, alu mutanip dadua isia.
isia ka dinaret iu purihat di pasikis a kahuy liaka mairat minah.
pabaza Abababaw a saisiman iu maleket a hinis,
yamin maakariak i maki Abababaw.
Abababaw a hinis u sumaden a lingu ka maasikela dadua wazan a itaan,
baxaen lia yamin magizem a hinis.
yami mabaza misumat mariak a tatudu, taxu Jesu mangasa minah.
yami kaxi eder, musumat a babizu ka pinabaza en yamin a rahan ki Abababaw,
minubizu nisia a mutanip zinakay a daran,
pakasibat ita musumadi iu muzakay riak a dali.
yami kaxi eder, sasumatan ka maasakeban sawsaw nu Abababaw,
maakiliw musumat liaka makakawas Jesu a mutanibay dadua.
kiaka mausay dua dua, maxa makariak a tadulu iu mariak a muzakay kaidi sia.
aunu maasakebay dadua reten a saw,
mausay murazaw kasaisiman iu dadeken a dali.
aunu pakabazai sawsaw maxasikela en Abababaw.
yami kaxi eder, ita saw ka minulutut hauriak a saisiman ki Abababaw,
mabazai matizenget talima a sadian.
maluhusu, Abababaw haka hau aini kinasadialan nita.
aubin a dali ka mausay suusumat iu maxisaisiman a hinis.
yami kaxi eder, Abababaw minubaxa sawsaw matugizem, minabazabaza iu daxe.
ita ka maaxilat Abababaw mukukusa iu deedexe daxe.
maluhuni, nahada reten, maasimasima taureten iu maariariat saabariwan nita,
iu nahada dahu pinababaza mudipax mababaza nita.
saw a saw ka nahada kabaza ay Abababaw a hinis.
anuy, kinasadialan a saw ka mamerek kalu Abababaw a sabaxa,
muxapux lia maasapaspan dadua.
maluhuda, ita saw ka kizengedi Jesu a kakawas pautanibay,
haaoedi matu adang a hinis nita, masilakang kasadiana a saw ka muhupaken,
zedezeden a saw ka mausay pasanganen,
nahada hauriak a dali iu malekeden a hinis dadua.
ita ka mukalawa Jesu mutanip a zinakay liaka maxa eder a saw lia,
ruburubu a kawas ka maxa ay Jesu a taureten,
mabinibini maleket, kuang a pangesen a saw, mabagah dadua.
============================ 分 隔 線 =============================
就...醬子！ [;-)] |
住戶編號:358189
檢舉原因
心情: 
